Po kërkojmë Asistente Ekzekutive për kompaninë Atronix!

Adresa e kompanisë është: Rruga ''Egnatia'', ''Tirana Industrial Park''.

Qëllimi i Pozicionit

Asistentja Ekzekutive është përgjegjëse që të sigurojë mbështetje administrative, organizative dhe operative për CEO-në, duke garantuar administrimin efektiv të dokumentacionit, protokollit të shkresave, proceseve të burimeve njerëzore, komunikimit me klientët dhe koordinimit ndërdepartamental, në përputhje me procedurat dhe standardet e kompanisë.

Detyrat dhe Përgjegjësitë

• Ofron mbështetje administrative dhe operative për CEO-në, duke menaxhuar kalendarin, takimet, korrespondencën, dokumentacionin dhe angazhimet e përditshme.

• Organizon takimet me stafin, klientët, partnerët dhe palët e tjera të interesuara, përgatit materialet përkatëse dhe procesverbalet, si dhe ndjek çështjet e hapura dhe afatet e përcaktuara.

• Koordinon me departamentet e kompanisë për mbledhjen dhe përgatitjen e raporteve, informacionit dhe materialeve të kërkuara nga CEO dhe menaxhmenti.

• Menaxhon komunikimin me klientët, duke administruar kërkesat, takimet dhe çështjet e hapura dhe duke siguruar përcjelljen e tyre te departamentet përkatëse.

• Administron protokollin e shkresave dhe dokumenteve zyrtare, duke regjistruar, protokolluar, klasifikuar dhe shpërndarë dokumentet hyrëse dhe dalëse sipas procedurave të përcaktuara.

• Ndjek afatet e trajtimit dhe kthimit të përgjigjeve për shkresat zyrtare dhe koordinon me personat/departamentet përgjegjëse për përmbushjen e tyre.

• Siguron arkivimin dhe mirëmbajtjen e dokumentacionit zyrtar fizik dhe elektronik, duke garantuar gjurmueshmërinë, konfidencialitetin dhe aksesin e kontrolluar.

• Përgatit dhe administron dokumentacionin e personelit, duke mirëmbajtur dosjet e punonjësve, kontratat e punës dhe dokumentacionin përkatës.

• Mbështet proceset administrative të Burimeve Njerëzore, përfshirë përgatitjen dhe përditësimin e dokumenteve të punësimit, procedurave dhe komunikimeve të brendshme.

• Publikon njoftimet për vendet e lira të punës në rrjetet sociale dhe platformat përkatëse dhe koordinon komunikimin fillestar me kandidatët.

• Mbështet aktivitetet e komunikimit dhe marketingut të kompanisë, përfshirë përgatitjen dhe publikimin e materialeve në rrjetet sociale dhe aktivitetet e brandimit.

• Organizon dhe koordinon takimet, vizitat dhe aktivitetet e biznesit të CEO-së, përfshirë logjistikën dhe dokumentacionin përkatës.

• Ofron asistencë në komunikimin dhe koordinimin me klientët, furnitorët, partnerët dhe palët e tjera të jashtme, duke siguruar komunikim profesional dhe në kohë.

• Përkthen dokumente dhe materiale të ndryshme nga shqipja në anglisht dhe anasjelltas, sipas nevojave të kompanisë.

• Siguron ruajtjen e konfidencialitetit të informacionit, dokumentacionit të kompanisë dhe të dhënave të personelit.

Kualifikimet dhe Aftësitë

• Të ketë përfunduar Arsimin e lartë në Shkencat Ekonomike, Sociale etj.

• Të ketë mbi 3 vjet eksperience pune si Asistente, Kordinatore.

• Të ketë eksperiencë në shkrimin dhe hartimin e dokumentave.

• Të zotrojë shumë mire gjuhën Angleze dhe Italiane.

• Të ketë njohuri shumë të mira të ‘’Paketës Office’’, njohja e programeve të tjera përbën avantazh.

• Të ketë aftësi shumë të mira komunikuese si verbale ashtu edhe në të shkruar.

• Të ketë aftësi shumë të mira analitike dhe organizuese

• Të ketë aftesi shumë të mira të punuarit në grup.

Të gjitha aplikimet do të trajtohen me konfidencialitet të plotë sipas ligjit Nr. 9887, date 10.03.2008 i ndryshuar, vendosur nga Kuvendi i Shqipërisë për "Mbrojtjen e të Dhënave Personale".