Pershkrimi

Përgjegjës për koordinimin dhe monitorimin e proceseve të blerjes duke siguruar që të gjitha planet, kontratat, raportimet dhe auditimet të zhvillohen sipas procedurave të brendshme dhe afateve të përcaktuara. Ky rol është i fokusuara në kontroll, zhvillim dhe mirëmbajtje të strukturave të negocimit, ndjekjen e planeve mujore, raportimin e jokonformiteteve, si dhe mbështetjen e menaxhimit në auditime dhe marrëdhëniet me furnitorët strategjikë.

DETYRAT DHE PËRGJEGJËSITË

a. Planifikim & Koordinim

· Harton, zhvillon dhe mirëmban strukturën e negocimit me furnitorët.

· Kontrollon planet mujore për të gjitha produktet (trade, alkool, ambalazhe, materiale ndihmëse) dhe ndjek realizimin sipas afateve.

· Raporton çdo ditë mbi raportin OOS (Out of Stock) dhe masat e marra për eliminimin e tyre.

· Ndjek fashat e rritura të prodhimit dhe blerjes, duke raportuar te furnitorët për çdo ndryshim.

b. Financë & Doganë

· Kontrollon veprimet financiare të pagesave sipas raporteve të blerjeve dhe raporton për devijimet.

· Ndjek proceset e doganës vetëm në aspektin e kontrollit dhe verifikimit të përputhshmërisë së dokumentacionit.

· Kontroll i inventarit të pullave fiskale, duke siguruar përputhjen me regjistrin dhe rakordimet.

c. Kontrata & Auditim

· Ndjek regjistrin e kontratave, duke monitoruar afatet e skadencës dhe detyrimet përkatëse.

· Rishikon kontratat ekzistuese në bazë të problematikave të hasura dhe propozon ndryshime për forcimin e tyre.

· Hartoni planin vjetor të auditimit për furnitorët kyç dhe koordinon realizimin e tij.

d. Performanca e Furnitorëve

· Ndjek raportin mujor të vlerësimit të furnitorëve dhe raporton te Menaxheri i Operacioneve.

· Analizon jokonformitetet mujore, ndërmerr masa korrigjuese dhe siguron mbylljen e tyre me furnitorët.

· Ndjek magazinat e kthimit të furnitorëve për produkte të dëmtuara, jo konforme ose për riciklim.

· Kërkon furnitorë të rinj në tregun global, duke ndarë kërkimet në harta dhe databaza për furnitorë strategjikë.

e. Logjistikë & Back-up

· Jep mbështetje si back-up për organizimin e transportit të furnitorëve në rast nevoje.

· Përgatit dhe ndjek raportin mujor të transporteve dhe e raporton te menaxhimi.

f. Marrëdhëniet & Negociatat

· Ndërtimi i marrëdhënieve afatgjata me furnitorët kryesorë të ambalazheve dhe transportit.

· Negocimi i kushteve më të mira të pagesës, çmimit dhe shërbimit.

· Përgatitja e dokumentacionit dhe pjesëmarrja në proceset tenderuese për transport dhe ambalazhe.

· Përgatitja e Scorecard-it për furnitorët bazuar në tregues si: dorëzimet në kohë, cilësia e produkteve, fleksibiliteti në ndryshime, stabiliteti i çmimit.

· Përditësimi i scorecard çdo muaj dhe raportimi i tij.

· Bashkëpunimi me departamentin e cilësisë, teknikës, prodhimit dhe logjistikës për inpute shtesë.

g. Raportimi & Koordinimi Ndër-departamental

· Raportimi mujor mbi objektivat e kursimeve dhe reduktimin e kostove.

· Raportimi mbi jokonformitetet e furnitorëve dhe masat e marra.

· Komunikimi i vazhdueshëm me departamentin e prodhimit dhe logjistikës për planifikimin e ambalazheve.

· Përgatitja e raporteve periodike për Menaxherin e Blerjeve.

KËRKESAT DHE KUALIFIKIMET

· Diplomë Bachelor ose Master në Menaxhim, Financë, Ekonomi ose Inxhinieri Industriale.

· Minimumi 2-3 vite eksperiencë në fushën e prokurimeve, logjistikës ose koordinimit të projekteve.

· Njohuri mbi proceset e blerjes, kontratat, auditimet dhe vlerësimin e furnitorëve.

· Aftësi shumë të mira analitike dhe raportimi.

· Njohuri të mira mbi proceset doganore dhe fiskale.

· Aftësi të mira komunikimi dhe negociimi.

· Përdorim i avancuar i Excel, NAV/ERP dhe mjeteve të tjera të raportimit.

· Orientim ndaj detajeve dhe aftësi për të punuar nën presion me afate të shkurtra