Specialist i Sigurise se Informacionit
Eurosig
Tirane, Shqiperi
Salary
Competitive salary
Experience
1-3 Vite
Job type
onsite
Location
Tirane, Shqiperi
Description
EUROSIG SHA kërkon të punësojë një Specialist të Sigurisë së Informacionit, i cili do të jetë përgjegjës për administrimin, koordinimin dhe monitorimin e proceseve të sigurisë së informacionit në shoqëri.
Kandidati do të luajë një rol të rëndësishëm në zbatimin dhe përmirësimin e vazhdueshëm të Sistemit të Menaxhimit të Sigurisë së Informacionit (ISMS), në përputhje me standardin ndërkombëtar ISO/IEC 27001:2022, si dhe në përgatitjen dhe përafrimin e proceseve të shoqërisë me kërkesat e rregullores evropiane DORA (Digital Operational Resilience Act).
Pozicioni kërkon bashkëpunim të ngushtë me Drejtorinë e Teknologjisë së Informacionit, strukturat e administrimit të rrezikut, drejtuesit e shoqërisë dhe palët e treta për të garantuar sigurinë, konfidencialitetin, integritetin dhe disponueshmërinë e informacionit.
Përgjegjësitë kryesore
• Koordinimi dhe monitorimi i zbatimit të politikave, procedurave dhe kontrolleve të sigurisë së informacionit në shoqëri.
• Administrimi dhe përmirësimi i vazhdueshëm i Sistemit të Menaxhimit të Sigurisë së Informacionit (ISMS), sipas standardit ISO/IEC 27001:2022.
• Identifikimi, vlerësimi dhe monitorimi i rreziqeve të sigurisë së informacionit, si dhe propozimi i masave për trajtimin e tyre.
• Pjesëmarrja në analizën e mangësive (Gap Analysis) dhe koordinimi i masave për përafrimin me kërkesat e DORA.
• Monitorimi i përputhshmërisë me kërkesat ligjore dhe rregullatore që lidhen me sigurinë e informacionit dhe reziliencën operacionale digjitale.
• Monitorimi dhe koordinimi i proceseve për identifikimin, raportimin dhe trajtimin e incidenteve të sigurisë së informacionit.
• Bashkëpunimi me Drejtorinë e IT-së për vlerësimin e masave teknike të sigurisë, menaxhimin e dobësive dhe zbatimin e kontrolleve të nevojshme.
• Pjesëmarrja në hartimin, testimin dhe përmirësimin e planeve të vazhdimësisë së biznesit (BCP) dhe rikuperimit nga fatkeqësitë (DRP).
• Vlerësimi dhe monitorimi i rreziqeve të sigurisë që lidhen me furnitorët dhe ofruesit e shërbimeve TIK.
• Organizimi dhe koordinimi i auditimeve të brendshme dhe të jashtme të sigurisë së informacionit, si dhe ndjekja e rekomandimeve të tyre.
• Përgatitja e raporteve periodike për drejtuesit e shoqërisë lidhur me nivelin e sigurisë, rreziqet e identifikuara dhe masat e ndërmarra.
• Organizimi i aktiviteteve ndërgjegjësuese dhe trajnimeve për punonjësit mbi sigurinë e informacionit.
Kualifikimet dhe kërkesat
• Diplomë universitare në Teknologji Informacioni, Informatikë, Siguri Kibernetike ose fusha të ngjashme.
• Minimumi 2–3 vite përvojë pune në sigurinë e informacionit, sigurinë kibernetike, menaxhimin e rrezikut TIK ose fusha të ngjashme.
• Njohuri shumë të mira të standardit ISO/IEC 27001:2022, veçanërisht në implementimin dhe mirëmbajtjen e ISMS.
• Njohuri të rregullores DORA, parimeve të reziliencës operacionale digjitale dhe menaxhimit të rrezikut TIK.
• Njohuri mbi vlerësimin e rreziqeve, menaxhimin e incidenteve dhe kontrollet e sigurisë së informacionit.
• Njohuri të mira të infrastrukturës IT, rrjeteve, sistemeve operative dhe mekanizmave të sigurisë.
• Njohuri mbi vazhdimësinë e biznesit, rikuperimin nga fatkeqësitë dhe menaxhimin e furnitorëve TIK.
• Aftësi të mira analitike, organizative dhe dokumentuese.
• Aftësi për të bashkëpunuar me struktura të ndryshme organizative dhe për të përgatitur raporte profesionale.
• Njohuri të mira të gjuhës angleze.
Kualifikime të preferuara
Përbëjnë avantazh:
• Certifikime ISO 27001 Lead Implementer ose Lead Auditor.
• Përvojë në implementimin ose auditimin e sistemeve të menaxhimit të sigurisë së informacionit.
• Përvojë me sisteme SIEM, monitorimin e sigurisë dhe menaxhimin e incidenteve.
• Eksperiencë në sektorin financiar, bankar ose të sigurimeve.
Skills
përvojë në fushën përkatëseaftësi të mira komunikimipuna në ekip
Deadline ends
23
November 12, 2026
About Eurosig
Eurosig
Sigurime · Tirane
E themeluar si shoqëri sigurimi e produkteve të Jo–Jetës në shtator të vitit 2004, nën emrin DUKAGJINI SH.A, në dhjetor të vitit 2005 shoqëria shet aksionet 100% dhe në mars të vitit 2006 hyn në treg me emrin EUROSIG SHA, tërësisht me kapital vendas dhe me aksionarë të rinj.
EUROSIG, si shoqëri e konsoliduar në tregun e sigurimeve, është e shtrirë në të gjithë territorin e Republikës së Shqipërisë me 33 degë dhe mbi 230 agjenci dhe pika shitjeje e përfaqësimi. Aktualisht, në Eurosig janë të punësuar mbi 300 punonjës në nivel qendror dhe vendor.
Përkushtimi në shërbimet e sigurimit që ofrojmë, kanë sjellë rritjen e vazhdueshme të numrit të klientëve që na kanë besuar. Nga viti në vit, nën siglën “EUROSIG”, treguesit ekonomiko-financiarë të shoqërisë kanë shënuar rritje. Pas 20 viteve aktivitet në industrinë e sigurimeve, Eurosig ka mbi 5 vite që renditet në vendin e dytë në tregun e sigurimeve të Jo-Jetës në Shqipëri.