HR Studio kërkon Supervizor Shitjesh – Shqipëri

Për një nga kompanitë partnere, kërkojmë një Supervizor Shitjesh me përvojë në drejtimin e agjentëve dhe zhvillimin e shitjeve në terren. Pozicioni përfshin organizimin, mbështetjen dhe monitorimin e ekipit të agjentëve në territorin e caktuar brenda Shqipërisë.

Përgjegjësitë kryesore:

·         Drejton dhe koordinon punën e përditshme të agjentëve të shitjes nën supervizim.

·         Përcakton objektivat individualë dhe ndjek realizimin e tyre në përputhje me planin e shitjeve.

·         Organizon zonat e mbulimit, itineraret dhe planet e vizitave te klientët.

·         Shoqëron agjentët në terren, identifikon nevojat për përmirësim dhe ofron trajnim e udhëzim praktik.

·         Monitoron treguesit e performancës: shitjet, vizitat, klientët e rinj dhe mbulimin e territorit.

·         Zhvillon marrëdhëniet me klientët ekzistues dhe mbështet ekipin në identifikimin e mundësive të reja.

·         Ndihmon në negociata dhe në zgjidhjen e problematikave me klientët.

·         Ndjek zbatimin e politikave tregtare, çmimeve dhe kushteve të bashkëpunimit.

·         Bashkëpunon me financën për ndjekjen e pagesave dhe me logjistikën për ecurinë e porosive.

·         Analizon aktivitetin e konkurrencës dhe propozon masa për rritjen e shitjeve.

·         Përgatit raporte periodike për rezultatet e ekipit dhe i raporton drejtuesit të shitjeve.

Kualifikimet dhe aftësitë:

·         Eksperiencë e mëparshme në shitje në terren dhe në supervizimin e agjentëve të shitjes.

·         Aftësi për të drejtuar, motivuar dhe zhvilluar një ekip.

·         Eksperiencë në punën me targete dhe analizimin e rezultateve.

·         Aftësi të mira komunikimi, negocimi dhe organizimi.

·         Njohuri të mira të Excel-it; përvoja me sisteme CRM përbën avantazh.

·         Gatishmëri për lëvizje dhe udhëtime brenda Shqipërisë.

·         Leje drejtimi e kategorisë B.

·         Arsimi i lartë në Administrim Biznesi, Marketing, Ekonomi ose fusha të ngjashme përbën avantazh.