Kalaja Talent Consulting
Kalaja Talent Consulting kerkon te punesoje Menaxher Projekti / Inxhinier Elektrik.
Detyrat
Planifikon dhe organizon të gjitha fazat e projektit, duke përgatitur planin e punës dhe buxhetin në përputhje me projektin dhe kontratën.
Siguron dokumentacionin e nevojshëm për hapjen, zhvillimin dhe mbylljen e kantierit.
Koordinon dhe menaxhon ekipet e punës, duke planifikuar fuqinë punëtore dhe duke mbikëqyrur performancën e tyre.
Bashkëpunon me inxhinierët e kantierit për planifikimin dhe sigurimin e materialeve dhe pajisjeve të nevojshme.
Monitoron ecurinë dhe cilësinë e punimeve elektrike, duke garantuar respektimin e specifikimeve teknike dhe afateve të projektit.
Menaxhon marrëdhëniet me klientët, investitorët dhe kontraktorët, duke përfaqësuar kompaninë në takime dhe negociata.
Administron dokumentacionin dhe korrespondencën teknike të projektit.
Monitoron kostot, buxhetin dhe shpenzimet e projektit, në bashkëpunim me departamentin e financës dhe kostoistin.
Koordinon procesin e faturimit mujor dhe siguron dorëzimin në kohë të dokumentacionit përkatës.
Identifikon problematikat gjatë zbatimit të projektit dhe propozon zgjidhje për garantimin e realizimit të tij.
Përgatit raporte periodike mbi progresin, kostot dhe performancën e projektit.
Përgjegjës për dokumentacionin përfundimtar dhe procedurat e dorëzimit e mbylljes së projektit.
Analizon kostot pas përfundimit të projektit dhe identifikon mundësi për përmirësimin e projekteve të ardhshme.
Kualifikimet
Diplomë universitare në Inxhinieri Elektrike, Energjitike, Automatizim ose fusha të ngjashme.
Minimumi 3–4 vite eksperiencë në menaxhimin dhe koordinimin e projekteve elektrike.
Njohuri të mira në leximin dhe interpretimin e projekteve dhe dokumentacionit teknik.
Njohuri në përdorimin e AutoCAD dhe paketës Microsoft Office, veçanërisht Excel dhe Word.
Njohuri të mira të gjuhës angleze dhe/ose italiane.
Leje drejtimi e kategorisë B.
Aftësi të shkëlqyera organizative, drejtuese dhe menaxhuese.
Aftësi për planifikimin e burimeve njerëzore dhe materiale, menaxhimin e buxhetit dhe kontrollin e kostove.
Aftësi të mira negociuese, komunikuese dhe për zgjidhjen e problematikave.
Përgjegjshmëri, korrektësi dhe aftësi për të punuar nën presion dhe për të përmbushur afatet e përcaktuara.
Kalaja Talent Consulting
Burime Njerezore · Tirane
Kalaja Talent Consulting Sh.p.k është një kompani e cila ofron konsulenca në sektorë të ndryshëm,kryesisht ne atë të shitjes,përzgjedhje stafi për biznese në të githë Shqipërinë dhe jashtë saj dhe trajnime në fusha të ndryshme.I përberë nga një ekip me një eksperiencë shumëvjecare në sektorin e shitjeve,burimeve njerëzore dhe marketingut Kalaja Talent Consulting siguron rezultatet maksimale për bashkëpunëtorët e saj.
Ne jemi këtu për të ndihmuar individët dhe kompanitë per te realizuar objektivat përkatëse.
Kalaja Talent Consulting i siguron bashkëpunëtorëve rezultate maksimale duke i ofruar këshilla dhe udhëzime të specializuara për të realizuar pritshmërite e tyre.Përmes trajnimeve ne ndihmojmë në përmirësimin e performancës së punonjësve ekzistues dhe atyre te rinj duke zhvilluar aftësitë e tyre dhe duke i përshtatur ata më mirë me nevojat e organizatës.
Misioni ynë është të ndihmojmë individët dhe organizatat të arrijnë suksesin e tyre duke ofruar shërbime të cilësisë së lartë dhe të personalizuara. Ne jemi përkushtuar për të ndërtuar lidhje të qëndrueshme me bashkepunetorët tane, duke vlerësuar integritetin dhe transparencën në çdo aspekt të veprimtarisë sonë.
Kalaja Talent Consulting Sh.p.k është themeluar në Tiranë,Prill 2024 nga Klejti Kalaja pas shumë vitesh eksperiencë në shitje, menaxhim dhe burime njerëzore.