Përshkrimi

ROAL FOOD kërkon të punësojë Brand Manager

ROAL FOOD është një kompani me mbi 20 vite eksperiencë në importimin dhe shpërndarjen e

produkteve ushqimore.

Jemi të pranishëm në të gjithë tregun shqiptar dhe në rajon, duke ofruar një gamë të gjerë produktesh.

ROAL FOOD ka ekskluzivitetin e markave më cilësore, për t'i sjellë ato në tryezën e çdo familjeje.

Qëllimi i punës sonë është të plotësojmë në mënyrë efikase nevojat e tregut, duke ndjekur trendet ndërkombëtare përmes inovacionit dhe zhvillimit të vazhdueshëm.

Aktualisht jemi në kërkim të stafit të ri, me energji dhe ide të reja për të kontribuar në zhvillimin e mëtejshëm të kompanisë.


Qëllimi i Pozicionit

Brand Manager është përgjegjës për zhvillimin, menaxhimin dhe rritjen e performancës së markave në portofolin e kompanisë. Ai/ajo bashkëpunon ngushtë me departamentet e shitjeve, marketingut, dhe partnerët ndërkombëtarë për të siguruar arritjen e objektivave tregtare, rritjen e pjesës së tregut dhe forcimin e pozicionimit të markës.

Përgjegjësitë Kryesore

· Zhvillon dhe implementon strategjitë e marketingut dhe shitjes për markat që menaxhon.

· Analizon performancën e markës, tregut, konkurrencës dhe tendencat e konsumatorëve.

· Bashkëpunon me ekipin e shitjeve për planifikimin dhe realizimin e aktiviteteve promocionale.

· Harton plane vjetore marketingu dhe ndjek realizimin e tyre sipas objektivave të përcaktuara.

· Menaxhon buxhetin e marketingut për markat përkatëse dhe monitoron efektivitetin e investimeve.

· Koordinon fushatat promocionale, eventet, degustimet dhe aktivitetet e tjera të marketingut.

· Mban komunikim të vazhdueshëm me furnitorët dhe partnerët ndërkombëtarë të markave.

· Përgatit raporte periodike mbi shitjet, rezultatet e aktiviteteve marketingu dhe performancën e markës.

· Monitoron disponueshmërinë e produkteve në treg dhe propozon masa për përmirësimin e shpërndarjes dhe ekspozimit.

· Siguron që identiteti dhe standardet e markës të respektohen në të gjitha kanalet e komunikimit dhe shitjes.

Kualifikimet dhe Kërkesat

· Diplomë universitare në Marketing, Menaxhim Biznesi, Ekonomi ose fusha të ngjashme.

· Përvojë pune minimum 3-5 vite në role të ngjashme, preferohet në sektorin e shitjes dhe distribucionit.

· Njohuri të mira të proceseve të shitjes, distribucionit dhe zhvillimit të markave.

· Njohuri shumë të mira të gjuhës angleze; njohuria e gjuhëve të tjera të huaja përbën avantazh.

· Aftësi të avancuara kompjuterike, veçanërisht në paketën Microsoft Office (Excel, PowerPoint, Word).

· Aftësi të shkëlqyera prezantuese dhe komunikuese.

· Aftësi analitike për interpretimin e të dhënave të tregut dhe shitjeve.

· Leje drejtimi kategoria B përbën avantazh.

Kompetencat Kryesore

· Orientim drejt rezultateve dhe arritjes së objektivave.

· Aftësi negociuese dhe menaxhim marrëdhëniesh me partnerë biznesi.

· Mendim strategjik dhe komercial.

· Iniciativë, kreativitet dhe fokus në zhvillimin e markës.