
FED invest
SHKK FED invest, institucion me aktivitet të suksesshëm 34 vjecar në financat rurale, shpall konkurimin për vend të lirë pune, në pozicionin:
Senior Specialist në Njësinë e Kontrollit Financiar, Buxhet dhe Raportim pranë Departamentit të Financës
Përgjegjësitë kryesore:
Kontribuon në hartimin e buxhetit vjetor dhe ndjekjen e realizimit të tij, duke analizuar devijimet dhe treguesit kryesorë financiarë.
Monitoron përputhshmërinë e shpenzimeve me buxhetin e miratuar dhe politikat e institucionit.
Përgatit, kontrollon dhe analizon raportet financiare, menaxheriale dhe operacionale.
Pergatit raportime periodike ndaj Bankës së Shqipërisë, Agjencisë së Sigurimit të Depozitave dhe partnerëve institucionalë.
Kryen analiza financiare dhe mbështet proceset e rakordimit të të dhënave ndërmjet departamenteve.
Kriteret :
Formim universitar në Financë, Kontabilitet, Ekonomi ose fusha të ngjashme.
Eksperiencë profesionale minimum 5 vite, në sektorin bankar ose në institucione financiare, përbën avantazh.
Njohuri per analizën financiare, buxhetimin dhe raportimet
Njohuri shumë të mira të standardeve kontabël kombetare dhe nderkombetare
Aftësi shumë të mira në përdorimin e MS Excel dhe programeve të tjera të raportimit
· Njohja e sistemeve ERP (p.sh. Flexcube, Oracle ose të ngjashme) përbën avantazh.
Njohuri të mira të legjislacionit dhe kuadrit rregullator financiar, veçanërisht të kërkesave të Bankës së Shqipërisë.
Certifikimet ne fushen e kontabilitetit ose auditimit perbejne avantazh.
Aftësi shumë të mira analitike, organizative dhe komunikuese.
Përpikmëri, përgjegjshmëri dhe vëmendje ndaj detajeve.
· Njohuri të mira të gjuhës angleze.
Paga dhe kushtet e punës janë konkurruese.
Aplikimet pranohen deri më datë 20.11.2026.
Vetëm aplikantët fitues nga seleksionimi i CV- ve, do të njoftohen për fazat e mëtejshme të konkurimit.

Financë/Bankë · Tirane
FED invest është institucioni i parë i mikrofinancës në Shqipëri. FED invest përfaqëson organizatën kooperativë financiare më e madhe në vend me 9.2 Miliardë Lekë Total Asetesh, një Portofol Kredie mbi 7.4 Miliardë Lekë dhe Total Depozitash mbi 6 Miliardë Lekë. Me mbi 105 mijë anëtarë të shërbyer nëpërmjet 54 degëve në të gjithë vendin FED invest mbulon mbi 3 000 fshatra anembanë vendit.
Si lider në ofrimin e zgjidhjeve financiare të përballueshme për të gjithë fermerët, FED invest ka një ndikim të drejtpërdrejtë në zhvillimin social-ekonomik të Shqipërisë, me mbi 300 000 kredi dhe gjysmë miliard euro të injektuara në ekonomi përgjatë 34 viteve aktivitet.