Coca-Cola Bottling Shqipëria sh.p.k (CCBS) është kompani lider në tregun Shqiptar të pijeve freskuese jo alkoolike me marka më të njohura ndërkombëtare.

Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vendin e duhur.

CCBS po kërkon kandidatë të përshtatshëm në pozicionin e punës: QA Manager

Qëllimi i punës:

Përgjegjësia e këtij pozicioni përfshin zhvillimin, organizimin dhe mbikëqyrjen e zbatimit të sistemeve të menaxhimit të cilësisë, sigurisë ushqimore dhe mjedisit, në përputhje me planet operacionale, kërkesat e klientëve dhe legjislacionin në fuqi. Pozicioni siguron cilësinë dhe integritetin e produktit përmes vlerësimit të rreziqeve për sigurinë ushqimore, planeve të veprimit korrigjues dhe auditimeve të brendshme, si dhe zhvillon dhe mirëmban sistemin e menaxhimit mjedisor, duke promovuar praktikat e qëndrueshme dhe reduktimin e gjurmës së karbonit. Gjithashtu, përgjegjësia përfshin menaxhimin e dokumentacionit të sistemit të integruar dhe sigurimin e përputhshmërisë me kërkesat e TCCC dhe standardet ISO 9001:2015, ISO 22000:2018 dhe ISO 14001:2015.

Roli dhe përgjegjësitë:

• Përditëson dhe siguron zbatimin e Sistemit të Integruar të Menaxhimit në përputhje me kërkesat e TCCC, OU dhe standardet ISO 22000:2018, ISO 9001:2015 dhe ISO 14001:2015, duke rishikuar efektivitetin e tij dhe duke raportuar rezultatet tek menaxhmenti.

• Mirëmban dhe përditëson politikat, procedurat, Manualin e Cilësisë, HACCP dhe dokumentacionin përkatës të sistemit të menaxhimit, duke siguruar përputhshmërinë me kërkesat e kompanisë dhe legjislacionin në fuqi.

• Vepron si pikë reference për auditimet e brendshme dhe të jashtme nga OU, TCCC, organet rregullatore dhe organizatat e certifikimit, si dhe koordinon përgatitjen dhe ndjekjen e tyre.

• Identifikon dhe analizon produktet, proceset dhe rezultatet jokonforme, analizon tendencat e të dhënave të cilësisë dhe inicion, ndjek dhe mbyll veprimet korrigjuese dhe parandaluese.

• Ka autoritetin për të ndaluar prodhimin kur identifikohen problematika që mund të cenojnë cilësinë, sigurinë ushqimore ose përputhshmërinë e produktit.

• Monitoron performancën e cilësisë dhe mjedisit, përgatit raporte periodike për menaxhmentin e lartë dhe siguron dorëzimin në kohë të raporteve rregullatore dhe të dhënave në sistemin KOSMOS.

• Mirëmban të dhëna të sakta dhe të përditësuara mbi cilësinë, sigurinë ushqimore dhe mjedisin dhe përdor analizën e tyre për identifikimin e mundësive për përmirësim.

• Drejton dhe/ose merr pjesë në ekipet HACCP, Mjedisit, GMP, SVA, Shëndetit dhe Sigurisë, IMCR dhe programe të tjera përkatëse.

• Siguron zbatimin e programit të menaxhimit të ujit dhe kryerjen e testimeve periodike të cilësisë së ujit sipas procedurave dhe parametrave të përcaktuar nga TCCC.

• Verifikon dhe monitoron përputhshmërinë e furnizuesve të lëndëve të para me kërkesat dhe autorizimet e TCCC dhe OU.

• Siguron funksionimin e impiantit të trajtimit të ujërave të ndotura në përputhje me kërkesat mjedisore dhe standardet e TCCC.

• Analizon të dhënat operative të impiantit të trajtimit të ujërave të ndotura, identifikon tendencat dhe mundësitë për përmirësim dhe zbaton veprimet korrigjuese dhe strategjitë e optimizimit.

Aftësitë dhe kualifikimet:

• Diplomë Bachelor në Inxhinieri, Shkenca Mjedisore, Shkenca Ushqimore ose fusha të ngjashme. Preferohet diplomë e avancuar.

• Njohuri të forta në prodhimin e pijeve freskuese.

• Njohuri mbi standardet e industrisë për cilësinë e produkteve ushqimore dhe pijeve, si dhe kërkesat rregullatore për sigurinë ushqimore dhe përputhshmërinë mjedisore.

• Përvojë 5-vjeçare në Menaxhimin e Cilësisë në industrinë ushqimore, preferohet në pije freskuese.

• 4 vite eksperiencë në menaxhimin dhe drejtimin e njerëzve.

• Njohuri të avancuara të standardeve ISO.

• Aftësi të shkëlqyera ndërpersonale dhe komunikimi.

• Njohuri të mira të gjuhëve angleze dhe italiane.

Çfarë ofrojmë:

✔ Paketë të mbulimit shëndetësor.
✔ Mundësi reale promovimi dhe zhvillimi të karrierës.
✔ Trajnime të shumta profesionale dhe programe zhvillimi.
✔ Fleksibilitet në organizimin e orarit të punës.
✔ Mundësi për të punuar remote deri në 2 ditë në muaj.
✔ Pagë të 13-të.
✔ Makinë