EPPC Albania në emër të klientit të saj, një kompani që operon në sektorin e distribucionit të produkteve FMCG dhe menaxhon një portofol markash vendase e ndërkombëtare në kategoritë e pijeve alkoolike, birrave dhe pijeve freskuese, po rekruton një Key Account Manager.

Përgjegjësitë Kryesore:

 Kontribuon në zhvillimin dhe zbatimin e strategjisë tregtare për klientët kryesorë, me fokus në rritjen afatgjatë të shitjeve, fitueshmërisë dhe portofolit të markave;

Menaxhon marrëdhëniet me klientët strategjikë dhe rrjetet kryesore retail, duke identifikuar mundësi për zhvillimin e biznesit;

Negocion kushtet tregtare, çmimet, asortimentin dhe aktivitetet promocionale;

Harton dhe zbaton plane vjetore për secilin klient, me objektiva për shitjet, fitueshmërinë, shpërndarjen dhe prezencën e produkteve në pikat e shitjes;

Analizon performancën e shitjeve, të dhënat e tregut, stokun dhe aktivitetin e konkurrencës, duke propozuar veprime korigjuese kur është e nevojshme;

Ndjek fitueshmërinë e çdo klienti, efektivitetin e çmimeve, zbritjeve dhe investimeve promocionale;

Drejton dhe zhvillon ekipin në varësi, duke përcaktuar objektivat, koordinuar punën dhe monitoruar performancën;

Koordinon me ekipet e shitjes dhe Trade Marketing zbatimin e marrëveshjeve dhe promocioneve, duke kryer vizita në pikat e shitjes për të verifikuar realizimin e tyre;

Përgatit parashikimet e kërkesës (forecast) dhe ndjek buxhetin tregtar dhe pagesat e klientëve;

Viziton pikat e shitjes për të vlerësuar prezencën e produkteve dhe zbatimin e marrëveshjeve tregtare.

Kërkesat për këtë pozicion janë:

• Diplomë Universitare në Biznes, Ekonomik, Marketing, Financë;

• Përvojë e konsoliduar në role senior në shitje FMCG ose Key Account Management, veçanërisht në Modern Trade; preferohen edhe profile nga Buying ose Category Management në retail;

• Përvojë e drejtpërdrejtë në negociata tregtare dhe menaxhimin e klientëve të rëndësishëm;

• Aftësi të forta në analizën e shitjeve dhe fitueshmërisë, për të orientuar planifikimin dhe vendimmarrjen tregtare;

• Aftësi të forta komunikimi, negocimi dhe bashkëpunimi me ekipet e brendshme dhe klientët;

• Njohuri shumë të mira të Excel-it dhe mjeteve të raportimit;

• Zotërimi I gjuhës Angleze & patentës të klasit B aktive.