HR Studio, në bashkëpunim me një nga kompanitë partnere, është në kërkim të një Inxhinieri Elektrik Projektues, me eksperiencë në sistemet elektroenergjetike dhe projektet e energjisë së rinovueshme.

Kërkojmë një profesionist me njohuri të avancuara teknike, i cili do të jetë përgjegjës për projektimin, përgatitjen e dokumentacionit teknik dhe ndjekjen e projekteve nga faza e konceptimit deri në realizimin dhe dorëzimin përfundimtar.

Detyrat dhe përgjegjësitë kryesore:​

• Projektimi i sistemeve elektroenergjetike të tensionit të ulët, të mesëm dhe të lartë.

• Projektimi i impianteve fotovoltaike dhe sistemeve të energjisë së rinovueshme.

• Projektimi i kabinave elektrike, nënstacioneve dhe linjave elektrike.

• Përgatitja e skemave elektrike, vizatimeve teknike dhe llogaritjeve inxhinierike.

• Hartimi i projekteve të zbatimit, specifikimeve teknike, preventivave (BOQ) dhe dokumentacionit përkatës.

• Koordinimi me ekipet teknike, kontraktorët dhe furnitorët gjatë realizimit të projekteve.

• Monitorimi i zbatimit të projekteve dhe garantimi i përputhshmërisë me standardet teknike.

• Mbështetja teknike gjatë testimeve, komisionimit dhe dorëzimit të projekteve.

Kualifikimet dhe kërkesat:​

• Diplomë universitare në Inxhinieri Elektrike, preferohet profili Elektroenergjetikë.

• Minimumi 3 vite eksperiencë në projektimin e sistemeve elektrike ose projekteve energjetike.

• Njohuri shumë të mira të AutoCAD dhe programeve të projektimit elektrik.

• Njohuri të standardeve teknike IEC/EN.

• Aftësi në hartimin dhe menaxhimin e dokumentacionit teknik.

• Njohuri të mira të gjuhës angleze.

• Aftësi të mira organizative, analitike dhe koordinuese.

Përbëjnë avantazh:​

• Eksperienca në projektimin e impianteve fotovoltaike industriale dhe utility-scale.

• Njohuri të programeve PVsyst, PVcase, i-Project ose ekuivalente.

• Njohuri mbi sistemet e ruajtjes së energjisë me bateri (BESS).

• Eksperiencë në projektimin e nënstacioneve 35/110 kV.

• Licencë profesionale projektimi sipas legjislacionit shqiptar.

• Eksperiencë në projekte EPC, nga projektimi deri në komisionim.