EPPC Albania në emër të klientit të saj, një kompani ndërkombëtare që prodhon komponentë metalikë për industrinë italiane të modës, po rekruton një Administrative & Finance Specialist për fabrikën e saj në Durrës..

Përgjegjësitë Kryesore:

• Administron prezencat dhe orët e punës së punonjësve, në koordinim me përgjegjësit e reparteve;

• Ndjek ndryshimet e numrit të punonjësve sipas reparteve dhe administron dokumentacionin e punësimit dhe largimit, në bashkëpunim me përgjegjësit përkatës;

• Regjistron faturat në sistem, kontrollon dokumentacionin shoqërues dhe organizon arkivimin e tij;

• Përgatit dhe përcjell te studioja e jashtme e kontabilitetit faturat dhe dokumentacionin financiar, duke ndjekur sqarimet dhe dokumentet që mungojnë;

• Mban evidenca për faturat e papaguara, afatet e pagesave dhe arkëtimet, si dhe raporton mospërputhjet tek përgjegjësi i financës;

• Mbledh të dhëna mbi shpenzimet e aktivitetit dhe mbështet përgjegjësin e financës në përgatitjen e raporteve dhe planit financiar;

• Koordinon nevojat administrative dhe logjistike të zyrës, përfshirë pritjen e vizitorëve dhe furnitorëve, komunikimet dhe organizimin e udhëtimeve;

• Administron korrespondencën, kontratat dhe dokumentet e kompanisë, si dhe mbështet kryerjen e procedurave administrative pranë institucioneve.

Kërkesat për këtë pozicion janë:

• Diplomë Universitare në Financë- Kontabilitet;

• Zotërim shumë i mirë i gjuhës italiane, në të folur dhe në të shkruar (kriter i domosdoshëm);

• Përvojë në role të ngjashme administrative, me detyra në financë ose kontabilitet;

• Përdorim shumë i mirë i Excel-it për mbajtjen e evidencave dhe përgatitjen e raporteve;

• Njohuri praktike në regjistrimin e faturave dhe administrimin e dokumentacionit financiar;

• Aftësi të mira organizimi, vëmendje ndaj detajeve dhe aftësi për të ndjekur disa procese njëkohësisht;

• Aftësi komunikimi dhe bashkëpunimi me ekipin e brendshëm, furnitorët dhe studion e jashtme të kontabilitetit;

• Rezidencë në Durrës ose në zonat përreth.