HR Studio është në kërkim të një Operatori të Finiturës, Polirimit dhe Axhustimit të Metaleve, për llogari të një kompanie të specializuar në përpunimin e metaleve dhe prodhimin e komponentëve metalikë me precizion.

Kërkojmë kandidatë me aftësi të mira manuale, vëmendje ndaj detajeve dhe interes për proceset teknike të prodhimit.

🔹 Detyrat dhe përgjegjësitë kryesore

• Përgatitja dhe përpunimi i metaleve të çmuara dhe jo të çmuara.

• Kryerja e proceseve të kalandrimit, prerjes dhe stampimit të metaleve.

• Realizimi i proceseve të axhustimit, lëmimit dhe polirimit manual e mekanik.

• Përdorimi i pajisjeve dhe mjeteve të specializuara të përpunimit.

• Pastrimi dhe aplikimi i trajtimeve mbrojtëse mbi komponentët metalikë.

• Kontrolli i cilësisë dhe respektimi i standardeve teknike dhe të sigurisë.

🔹 Kualifikimet dhe aftësitë e kërkuara

• Preferohet eksperiencë në përpunimin e metaleve, polirim, prodhim bizhuterish ose mekanikë precize.

• Aftësi të mira manuale dhe përqendrim i lartë në detaje.

• Njohuri mbi përdorimin e instrumenteve matëse, si kalibrat dhe mikrometrat.

• Njohuri bazë në leximin e vizatimeve teknike.

• Përgjegjshmëri, korrektësi dhe aftësi për të punuar në ekip.

• Gatishmëri për të mësuar dhe për t'u zhvilluar profesionalisht.

🔹 Çfarë ofrohet?

• Punësim me kohë të plotë në një ambient prodhimi të specializuar.

• Trajnim profesional për proceset specifike të prodhimit.

• Mundësi për të zhvilluar aftësi teknike në përpunimin e metaleve me precizion.

Mirëpriten edhe kandidatë me formim në mekanikë ose përpunim metalesh, të cilët kanë dëshirë të mësojnë, edhe nëse nuk kanë eksperiencë në të gjitha proceset.