HR Studio është në kërkim të një Operatori të Presave Hidraulike, Prerjes dhe Stampimit, për llogari të një kompanie të specializuar në përpunimin e metaleve dhe prodhimin e komponentëve metalikë me precizion.

Kërkojmë kandidatë me njohuri të mira mekanike, aftësi teknike dhe vëmendje ndaj detajeve, të cilët dëshirojnë të zhvillohen profesionalisht në industrinë e prodhimit.

🔹 Detyrat dhe përgjegjësitë kryesore

• Operimi i presave hidraulike industriale 40-tonëshe dhe 500-tonëshe për prerjen, stampimin dhe formësimin e komponentëve metalikë.

• Montimi, qendërzimi dhe rregullimi i matricave, punçoneve dhe veglave të stampimit.

• Realizimi i proceseve të stampimit me një ose disa faza, sipas kërkesave teknike të prodhimit.

• Monitorimi dhe rregullimi i parametrave të makinerive për të garantuar saktësi dhe cilësi.

• Kontrolli i dimensioneve, sipërfaqeve dhe detajeve të produkteve të përpunuara.

• Kryerja e pastrimit, rregullimeve bazë dhe mirëmbajtjes së makinerive.

• Regjistrimi i të dhënave ditore të prodhimit në sistemin kompjuterik.

• Respektimi i procedurave teknike dhe standardeve të sigurisë në punë.

🔹 Kualifikimet dhe aftësitë e kërkuara

• Formim profesional ose akademik në mekanikë, inxhinieri mekanike, përpunim metalesh apo prodhim industrial.

• Eksperiencë praktike në përdorimin e makinerive mekanike ose industriale.

• Aftësi për të lexuar dhe kuptuar vizatimet teknike.

• Njohuri në përdorimin e instrumenteve matëse, si kalibrat dhe mikrometrat.

• Njohuri të mira mekanike, saktësi dhe vëmendje ndaj detajeve.

• Përgjegjshmëri, disiplinë dhe aftësi për të punuar në ekip.

• Gatishmëri për të mësuar dhe përvetësuar teknika të specializuara prodhimi.

🔹 Çfarë ofrohet?

• Punësim me kohë të plotë në një ambient prodhimi të specializuar.

• Trajnim profesional për përdorimin e presave hidraulike dhe teknikave të stampimit me precizion.

• Mundësi për zhvillimin e aftësive teknike dhe specializimin në procese industriale.

Eksperienca e mëparshme në stampim përbën avantazh, por nuk është e detyrueshme për kandidatët me formim të mirë mekanik dhe dëshirë për të mësuar.