Kopshtari kujdeset për mirëmbajtjen e kopshteve dhe hapësirave të gjelbra të resortit, duke siguruar një ambient të pastër, të rregullt dhe estetik për klientët dhe vizitorët.

Detyrat dhe përgjegjësitë

• Mirëmban lulishtet, sipërfaqet me bar, pemët, shkurret dhe bimët dekorative.

• Kryen mbjelljen, ujitjen, krasitjen dhe plehërimin sipas nevojave të bimëve dhe stinës.

• Kosit barin dhe pastron gjethet, degët e thata dhe barërat e këqija.

• Kontrollon sistemin e ujitjes dhe raporton rrjedhjet ose defektet.

• Evidenton sëmundjet dhe dëmtuesit e bimëve dhe kryen trajtimet sipas udhëzimeve, duke respektuar masat e sigurisë.

• Kujdeset për mirëmbajtjen dhe ruajtjen e veglave, pajisjeve dhe materialeve të punës.

• Bashkëpunon me ekipin e mirëmbajtjes për sistemimin e ambienteve të jashtme dhe përgatitjen e tyre për aktivitete.

• Organizon punimet në mënyrë që të minimizojë shqetësimin e klientëve.

• Raporton nevojat për bimë, materiale dhe pajisje te përgjegjësi përkatës.

• Zbaton rregullat e sigurisë në punë dhe përdor pajisjet mbrojtëse.

Kualifikimet dhe kërkesat

• Eksperiencë e mëparshme si kopshtar ose në mirëmbajtjen e hapësirave të gjelbra.

• Njohuri praktike për kujdesin ndaj bimëve, krasitjen, mbjelljen dhe ujitjen.

• Aftësi në përdorimin e veglave dhe pajisjeve të kopshtarisë.

• Aftësi për të kryer punë fizike në ambiente të jashtme.

• Përgjegjshmëri, korrektësi dhe vëmendje ndaj detajeve.

• Aftësi për të punuar në mënyrë të pavarur dhe në ekip.